దర్గాలో లారీ యజమానుల సంఘం …

ఎల్లారెడ్డిపేట: మండలంలోని గొల్లపల్లి లారీ యజమానులు లారీ ఓనర్స్‌ అసోసియేషన్‌ అధ్వర్యంలో బొప్పాపూర్‌ లోని చారీయార్‌ సాహెబ్‌ దర్గాలో కందూరు నిర్వహించారు. దర్గాలో చాదర్‌ సమర్పించేందుకు లారీలతో గొల్లపల్లి బస్టాండ్‌ నుండి భారీ ఊరేగింపు నిర్వహించారు. టపాకాయలు కాల్చి ఆనందంగా దర్గాకు తరలి వెళ్లారు. లారీ ఓనర్స్‌ అసోసియేషన్‌ అధ్యక్షుడు ఎండీ జాకీర్‌ హుస్సేన్‌ మాట్లాడుతూ అసోసియేషన్‌ అధ్వర్యంలో ప్రతి ఏటా దర్గాలో కందూరు నిర్వహించడం జరుగుతుందన్నారు. ప ంటలు బాగా పండి రైతులు, ప్రజలు లారీ యజమానులు, డ్రైవర్లకు, వ్యాపారులకు ఉపాధి లభించి అందరూ ఆర్థికంగా అభివృద్ధి చెందాలని కోరుతూ కందూరు నిర్వహించనున్నట్లు తెలిపారు. దర్గాలో చాదర్‌ సమర్పించి ప్రత్యేక ప్రార్థనలు చేసి ఫాతియ చదివించి మొక్కులు తీర్చుకున్నారు. అనంతరం ప్రజలకు, బంధు మిత్రులకు అన్నదానం చేశారు. ఈకార్య క్రమంలో లారీ యజమానులు ఆకుల శ్రీనివాస్‌, అశోక్‌, శ్రీనివాస్‌, సాబీర్‌, అంజిరెడ్డి, రమేష్‌, కుమార్‌లతోపాటు- పలువురు పాల్గొన్నారు.