గ్రీన్ఇండియా ఛాలెంజ్ స్వీక‌రించిన న‌టి క‌న‌క‌దుర్గ‌మ్మ

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ఇండియా ఛాలెంజ్ లో భాగంగా గృహాలక్ష్మి సీరియల్ నటి పూజితరెడ్డి విసిరిన ఛాలెంజ్ స్వీకరించి నటి కనకదుర్గమ్మ జూబ్లీహిల్స్ జీహెచ్ఎంసీ పార్క్ లో మొక్కలు నాటారు. ఈ సందర్భంగా కనకదుర్గమ్మ మాట్లాడుతూ… ప్రతి ఒక్కరూ ప్రకృతిని పరిరక్షించాలని, వీలైనన్ని మొక్కలు నాటాలని కోరారు. మొక్కల వల్ల ప్రతి ఒక్కరూ ఆరోగ్యంగా ఉంటారని, మంచి ఆహ్లాదకరమైన వాతావరణం కోసం ప్రతి ఒక్కరూ మొక్కలు నాటాలని కోరారు. ఎంపీ సంతోష్ కుమార్ ప్రారంభించిన ఈ ఛాలెంజ్ లో పాల్గొని మొక్కలు నాటడం సంతోషంగా ఉందని కనకదుర్గమ్మ అన్నారు. అనంతరం నటీమణులు రాగిణీ, నవీనారెడ్డి, నటుడు టార్జాన్ ల‌కు క‌న‌క‌దుర్గ‌మ్మ‌ గ్రీన్ ఇండియా ఛాలెంజ్ విసిరారు.