హైదరాబాద్: ఈ నెల 20న కాంగ్రెస్ పార్టీ ఆధ్వ‌ర్యంలో పాల‌మూరు లో చేరిక‌ల స‌భ జ‌ర‌గ‌నుంది..ఈ స‌భ‌లో ముఖ్య అతిథిగా ఎఐసిసి జాతీయ ప్ర‌ధాన కార్య‌ద‌ర్శి ప్రియాంకా గాంధీ హాజ‌రుకానున్నారు.. నేప‌థ్యంలో పాల‌మూరు జిల్లా నేత .మాజీ మంత్రి జూపల్లి కృష్ణారావు సీఎల్పీ నేత భట్టి విక్రమార్కను బంజారాహిల్స్‌లోని ఆయ‌న నివాసంలో భేటి అయ్యారు.. 20వ తేదిన ప్రియాంక స‌మ‌క్షంలో తాను కాంగ్రెస్ పార్టీలో చేరునున్న‌ట్లు భ‌ట్టికి తెలిపారు.. స‌భ ఏర్పాట్ల‌పై సుదీర్ఘంగా చ‌ర్చించారు..
స‌మావేశం అనంత‌రం జూపల్లి మీడియాతో మాట్లాడుతూ, ”కొల్లాపూర్ బహిరంగ సభకు రావాలని భట్టిని కోరాం. సభకు పార్టీ జాతీయ నేతలు కూడా రాబోతున్నారు. అన్ని నియోజకవర్గాల నుంచి కాంగ్రెస్ పార్టీలో చేరికలు ఉంటాయి. కూచుకుళ్ల దామోదర్‌రెడ్డి, కుమారుడు మేఘా రెడ్డి కాంగ్రెస్‌లో చేరతారు” అని పేర్కొన్నారు.