Jannaram – విద్యుత్ తీగలు తగిలి వ్యాన్ బూడిద

జన్నారం, (ఆంధ్రప్రభ): మంచిర్యాల జిల్లా జన్నారం మండలంలోని కామనపల్లి సమీపాన ఉన్న గుడివాడ వద్ద కడెం కాలువ కెనాల్ పై విద్యుత్ తీగలు తగిలి గ‌డ్డివాముల‌తో వెళుతున్న‌ వ్యాన్ బూడిదైంది. .మండలంలోని పొనకల్ కు చెందిన దుర్గం రవి వాహ‌నం మార్గంలో వెళుతుండా 11 కె.వి విద్యుత్ వైర్లు తగిలి నిప్పురవ్వలు చెలిరేగి మంటలు వ్యాపించడంతో ఆ మొత్తం గడ్డి కట్టలు, ఐచర్ వ్యాను మంటల్లో పూర్తిగా తగులబడింది.

స్థానిక అగ్నిమాపక అధికారులకు తెలియజేసినప్పటికీ ఆ ప్రాంతానికి అగ్నిమాపక శకటం వెళ్లడానికి వీలుకాకపోవడంతో ఆ మంటల్లో ఐచర్ వ్యాను,గడ్డి కట్టలు కాలిపోయాయి. తనకు నష్ట పరిహారం ఇప్పించాలని ఆ వ్యాను యజమాని రవి కోరారు.ఈ విషయమై అగ్నిమాపక అధికారి శ్రీనివాస్ ను సంప్రదించగా రవి వ్యానుకు పంచనామ చేశామన్నారు.