మొక్కలు నాటి ప్రకృతిని కాపాడుకుందాం
వైల్డ్ లైఫ్ ఫొటోగ్రఫీ అంటే చాలా ఇష్టం
మాజీ ఎంపీ జోగినపల్లి సంతోష్ కుమార్
ఆంధ్రప్రభ స్మార్ట్, హైదరాబాద్: వైల్డ్ లైఫ్ ఫొటోగ్రఫీ అంటే నాకు చాలా ఇష్టం.. అందుకనే ప్రతి ఆదివారం వన్యప్రాణుల ఫొటోలను షేర్ చేస్తుంటానని మాజీ ఎంపీ, బీఆర్ఎస్ నేత జోగినపల్లి సంతోష్కుమార్ తెలిపారు. ట్విట్టర్ వేదికగా సోమవారం ఆయన కొన్ని ఫొటోలను షేర్ చేశారు. ఆగస్టు19 ఫొటోగ్రాఫర్లందరికీ మరిచిపోలేని రోజు అన్నారు.. ప్ర‌పంచ ఫొటోగ్రఫీ దినోత్స‌వం సంద‌ర్భంగా శుభాకాంక్షలు తెలిపారు.
ఇక.. పక్షులు, జంతువులు వాటి మనుగడ కోసం చేసే పోరాటం తనకు ఎంతో స్ఫూర్తిని ఇస్తుందని సంతోష్ తెలిపారు. అదే విధంగా మనుషులుగా మనమూ ఈ ప్రకృతిని కాపాడుకోవాలన్న సంకల్పంతోనే గ్రీన్ ఇండియా చాలెంజ్ ప్రోగ్రామ్ చేపట్టినట్టు వెల్లడించారు. ప్రతి ఒక్కరూ మొక్కలు నాటి సంరక్షించే బాధ్యతలను తీసుకోవాలని కోరారు.