తాండూర్, నవంబర్ 21 (ప్రభ న్యూస్) తాండూర్ మండల కేంద్రంలోని రేపల్లెవాడ సమీపంలోని మహేశ్వరి జిన్నింగ్ మిల్లు లో ఐటీ అధికారులు సోదాలు నిర్వహిస్తున్నారు. ఇన్కమ్ టాక్స్ అధికారులు సిఐఎస్ఎఫ్ భద్రత దళాలతో కలిసి జిన్నింగ్ మిల్లు లో ఉదయం 6 గంటల నుంచి సోదాలు ప్రారంభించారు.
మిల్లులోనికి ఎవరిని వెళ్లకుండా చేసి రికార్డులను ,లావాదేవీలను పరిశీలించారు. దాదాపు 6 ,7 గంటల పాటు సుదీర్ఘంగా ఈ తనిఖీలు జరగడం మండలంలో కలకలం రేపింది. ఐటి అధికారుల సోదాల గురించి తెలిసి బెల్లంపల్లి ఏసిపి సదయ్య ,తాండూర్ సిఐ శ్రీనివాసరావు, మాదారం తాండూర్ ఎస్సైలు అశోక్, రాజశేఖర్లు అక్కడికి చేరుకొని వివరాలు సేకరించారు.