జన్నారం, ( ఆంధ్రప్రభ) : టీజీపీఎస్పీ గురువారం విడుదల చేసిన గ్రూప్ 4 పరీక్ష ఫలితాల్లో మంచిర్యాల జిల్లా జన్నారం మండలంలోని పలు గ్రామాలకు చెందిన యువకులు సత్తా చాటారు. గ్రూప్ 4లో మంచి ర్యాంకులు సాధించి ఉద్యోగాలు సాధించారు. ఈ మేరకు వివిధ విభాగాల్లో జూనియర్ అసిస్టెంట్ ఉద్యోగాలు పొందారు.
మండలంలోని మురిమడుగుకు చెందిన ఎలగందుల మధుకర్‌ జిల్లా స్థాయిలో 40వ ర్యాంకు సాధించి కమర్శియల్ ట్యాక్స్ శాఖలో జూనియర్ అసిస్టెంట్‌గా ఉద్యోగం సాధించాడు.
మండలంలోని హాస్టల్ తండాకు చెందిన లకావత్ రాజు గ్రూప్ 4లో 68వ ర్యాంకు సాధించి రెవెన్యూ శాఖలో జూనియర్ అసిస్టెంట్ గా ఉద్యోగం సాధించాడు.
పొనకల్ గ్రామపంచాయతీలోని గాంధీనగర్‌కు చెందిన నగూరి అనిల్ కుమార్ జిల్లాలో 72వ ర్యాంకు సాధించి ఉస్మానియా యూనివర్సిటీలో జూనియర్ అసిస్టెంట్ ఉద్యోగం సాధించాడు.
రేండ్లగూడకు చెందిన మామిడిపల్లి రమన్ 223 ర్యాంకుతో జూనియర్ అసిస్టెంటుగా, దేవునిగూడవాసి సింగిరెడ్డి రణదీప్ రెడ్డి, తిమ్మాపూర్ వాసి కూకటికారి దుర్గాప్రసాద్, మహమ్మదాబాద్ వాసి జాడి రాజతిరుపతి గ్రూపు 4లో మంచి ర్యాంకు సాధించి మున్సిపల్ శాఖలో జూనియర్ అసిస్టెంటుగా ఉద్యోగాలు సాధించారు. ఈ సందర్భంగా వారిని తల్లిదండ్రులు,బంధువులు మిత్రులు అభినందించారు.