హైదరాబాద్: విద్యుత్ అధికారులు, సిబ్బంది నిర్లక్ష్యంపై సీఎం రేవంత్‌రెడ్డి ఆగ్రహం వ్యక్తం చేశారు. అకారణంగా కరెంట్ కట్ చేస్తే సస్పెండ్ చేస్తామన్నారు. ప్రభుత్వం ఎక్కడా విద్యుత్ కోతలు విధించట్లేదు.. కొందరు సిబ్బంది ఉద్దేశపూర్వకంగా కోతలు పెడుతున్నారు. ప్రభుత్వానికి చెడ్డపేరు తెచ్చే ఈ కుట్రలను సహించేది లేదని హెచ్చరించారు.
అవసరాలకు సరిపడేంత విద్యుత్ ప్రభుత్వం సరఫరా చేస్తోందన్నారు. ప్రభుత్వం తరుపున ఎక్కడా విద్యుత్ కోతలు లేవన్నారు. కొంత మంది అధికారులు ప్రభుత్వానికి చెడ్డపేరు తెస్తున్నారని సీరియస్ అయ్యారు. గతంతో పోలిస్తే రాష్ట్రంలో విద్యుత్ సరఫరా పెరిగిందన్నారు.