వనస్థలిపురం – నేర నిర్ధారణకు సీసీ కెమెరాలు ఉపయోగపడతాయని వనస్థలిపురం ఏసీపీ పురుషోత్తం రెడ్డి తెలిపారు. వనస్థలిపురం స్టేషన్ పరిధిలోని విజయ శ్రీనగర్ కాలనీలో ఏర్పాటు చేసిన సీసీ కెమెరాలు ముఖ్యఅతిథిగా హాజరైన ఏసీపీ పురుషోత్తం రెడ్డి ప్రారంభించారు.
ఈ సందర్భంగా ఏర్పాటు చేసిన సమావేశంలో ఏసీపీ మాట్లాడుతూ సీసీ కెమెరాల ఏర్పాటు వల్ల ఎన్నో ప్రయోజనాలు ఉంటాయన్నారు. కాలనీలలో జరిగే ప్రతి సంఘటనలు రికార్డ్ అయి ఉండటమే కాకుండా, నేరస్తులను సులువుగా గుర్తించేఅవకాశముంటుందన్నారు.
ఈ కార్యక్రమంలో సిఐ దేప జలంధర్ రెడ్డి, డిఐ వెంకట్, అడ్మిన్ ఎస్ఐ వీరస్వామి గౌడ్ ,ఎస్ ఐ మాధవరెడ్డి విజయ శ్రీ కాలనీ అధ్యక్షులు జొన్నాడ మోహన్ రెడ్డి ,కార్యదర్శి మార్గం రాజేష్, ఆలయ కమిటీ చైర్మన్ చీర్క నర్సిరెడ్డి కాలనీవాసులు తదితరులు పాల్గొన్నారు..