రోడ్డు ప్ర‌మాదంలో ఇద్ద‌రు మృతి

రోడ్డు ప్ర‌మాదంలో ఇద్ద‌రు మృతి చెందిన ఘ‌ట‌న హిమాయత్‌సాగర్ సమీపంలో తెల్లవారుజామున చోటుచేసుకుంది. వివ‌రాలు ఇలా ఉన్నాయి.. ప్ర‌మాద‌వ‌శాత్తు కారు బైక్‌ను ఢీకొట్ట‌డంతో ఇద్దరు అక్కడికక్కడే దుర్మరణం చెందారు. అతివేగం వ‌ల్లే ఈ ప్ర‌మాదం చోటుచేసుకుంద‌ని స్థానికులు అంటున్నారు. స్థానికులు వెంట‌నే పోలీసులకు స‌మాచారం అందించారు. ఘటన స్థలానికి చేరుకున్న పోలీసులు ప్రమాద స్థలాన్ని పరిశీలించారు. ఘటనపై కేసు నమోదు చేసుకుని దర్యాప్తు చేస్తున్నారు. మృతులు జార్ఖండ్‌కు చెందిన జితేందర్(30), కేదారేశ్వర్‌(60)గా పోలీసులు గుర్తించారు.