బక్రీద్ ప్రార్థనల సందర్భంగా మాసబ్ ట్యాంక్ సమీపంలోని హాకీ గ్రౌండ్, మీర్ ఆలం దర్గా, లంగర్ హౌస్ పరిసరాల్లో పోలీసులు ట్రాఫిక్ ఆంక్షలు అమలు విధించారు. ఈ మేరకు ఇన్ చార్జి ట్రాఫిక్ జాయింట్ సీపీ విశ్వనాథ్ ట్రాఫిక్ ఆంక్షల వివరాలను వెల్లడించారు. ఉదయం 8 గంటల నుంచి 11:30 గంటల వరకు వాహనదారులు ప్రత్యామ్నాయ మార్గాల ద్వారా గమ్య స్థానాలకు చేరుకోవాలని తెలిపారు.
- Advertisement -
ప్రార్థనలు చేసేందుకు వచ్చే ముస్లింలు తమ వాహనాలను ఈద్గాల సమీపంలో పోలీసులు ఏర్పాటు చేసిన పార్కింగ్ ఏరియాల్లో పార్క్ చేయాల్సి ఉంటుందని పేర్కొన్నారు. ప్రార్థనలకు వచ్చే వాళ్లు, వాహనదారులు ఈ ట్రాఫిక్ ఆంక్షలను గుర్తించాలని అధికారులు స్పష్టం చేశారు.
