టీజేఎస్ ఆవిర్భావ వేడుకలు..

అల్వాల్‌ : తెలంగాణ జన సమితి(టీజేఎస్‌) పార్టీ 3వ ఆవిర్భావ దినోత్సవ వేడుకలను ఆపార్టీ నాయకులు ఘనంగా నిర్వహించారు. ఈమేరకు అల్వాల్‌ పట్టణ పరిధిలోని బాలాజీపార్కు సమీపంలో టీజేఎస్‌ మల్కాజిగిరి నియోజకవర్గ నాయకులు దయాకర్‌ ఆధ్వర్యంలో పార్టీ జెండాను ఆవిష్కరించారు. ఈ సందర్భంగా ఆయన మాట్లాడుతూ ప్రజల మన్ననలు పొందుతూ ముందుకు సాగాలని పార్టీ శ్రేణులకు పిలుపునిచ్చారు. ప్రజాసమస్యల పరిష్కారానికై నిరంతరం పోరాడాలని దయాకర్‌ పేర్కొన్నారు. ఈకార్యక్రమంలో పార్టీ నాయకులు రవికుమార్‌, సురేష్‌, సూరజ్‌, మల్లేశ్‌, పాషాభాయ్‌, తదితరులు పాల్గొన్నారు.