వాయుగుండం ప్రభావంతో ఏపీ, తెలంగాణ రాష్ట్రాల్లో భారీ వర్షాలు కురుస్తున్నాయి. హైదరాబాద్ లో గత నాలుగు రోజులుగా వర్షాలు కురుస్తున్నాయి. శనివారం ఉదయం నుంచి నగరం మొత్తం ముసురుపట్టింది. ఇక సోమ, మంగళవారం నగరంలో మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది.
ఇక ఇప్పటికే హైదరాబాద్‌తో పాటు వికారాబాద్, మేడ్చల్ మల్కాజ్‌గిరి, రంగారెడ్డి, సంగారెడ్డి జిల్లాలకు ఆరెంజ్ అలర్ట్ ప్ర‌కటించారు. అత్యవసరమైతే తప్ప ప్రజలు ఇళ్ల నుంచి బయటకు రావద్దని అధికారులు హెచ్చరిస్తున్నారు. ఇదిలా ఉంటే… వర్షాల కారణంగా లోతట్టు ప్రాంతాల ప్రజలను జీహెచ్‌ఎంసీ అప్రమత్తం చేసింది. జీహెచ్‌ఎంసీ సిబ్బంది ఇప్పటికే అన్ని ప్రాంతాల్లో ప్రజలకు అందుబాటులో ఉన్నారు.