బిబీ కా ఆలం నుంచి ప్రారంభ‌మైన అంబారీ ఊరేగింపు
పెద్ద సంఖ్యలో పాల్గొన్న ముస్లీంలు
రాత్రి వరకు సాగ‌నున్న ఊరేగింపు
ఆంధ్ర‌ప్ర‌భ స్మార్ట్ – హైద‌రాబాద్ – త్యాగానికి, స్ఫూర్తికి ప్రతీకగా నిలచిన మొహర్రం పర్వదినం సందర్భంగా పాతబస్తీలోని బీబీ-కా-ఆలం నుంచి ఊరేగింపు నేటి మధ్యాహ్నం ప్రారంభమైంది . మొహర్రం సంతాప దినంలో భాగంగా అంబారీపై బయలుదేరిన ఊరేగింపు చార్మినార్ మీదుగా సాగి రాత్రికి చాదర్ ఘాట్ వద్ద ముగియనుంది . ఈ కార్యక్రమంలో పెద్ద సంఖ్యలో షియా ముస్లిం సోదరులు పాల్గొన్నారు. చార్మినార్ వద్ద బీబీ-కా-ఆలం చూసేందుకు ప్రజలు భారీగా తరలివచ్చారు. ఊరేగింపు డబీర్‌పురాలోని బీబీ-కా-ఆలం నుండి ప్రారంభమై, అలీజా కోట్ల, చార్మినార్, గుల్జార్‌హౌజ్, పంజేషా, మీరాలం మండి, దారుల్ షిఫా మీదుగా సాగి చాదర్‌ఘాట్ వద్ద ముగుస్తుంది.
రాత్రి 10 గంటల వరకు ట్రాఫిక్ ఆంక్షలు..
మరోవైపు బీబీకా ఆలం ఊరేగింపు నేపథ్యంలో పాతబస్తీలో మధ్యాహ్నం 12 గంటల నుంచి రాత్రి 10 గంటల వరకు ట్రాఫిక్ ఆంక్షలు విధించారు.