వాటర్ ట్యాంకర్ వెనక నుంచి ఢీకొట్టినా.. ప్రాణాలతో బయటపడిన ఆ స్కూటీ యువతి.. ఆ పక్కనే వస్తున్న ఆర్టీసీ బస్సు కింద పడి చనిపోవటం చూస్తుంటే.. విధి ఎలా ఆడుతుంది.. విధిరాతను ఎవరూ తప్పించలేరు అనిపిస్తుంది. ఓ వాహన ప్రమాదం నుంచి తప్పించుకున్న ఆ యువతి.. మరో వాహనం కింద పడి చనిపోవటం.. మిగతా వాహనదారులను సైతం విస్మయానికి, ఆవేదనకు గురి చేసింది. ఈ ఘ‌ట‌న భ‌ర‌త్‌న‌గ‌ర్ ఫ్లై ఓవర్ పై చోటుచేసుకుంది.
వాటర్ ట్యాంక్‌ ఢీ కొట్టడంతో స్కూటీపై వెళ్తున్న ఓ యువతి కింద పడిపోయింది. ఆ సమయంలో ఆర్టీసీ బస్సు ఆమె నుంచి వెళ్లడంతో అక్కడికక్కడే మృతి చెందింది. కూకట్ పల్లిలో నివాసం ఉంటూ.. ఎర్రగడ్డలోని ఓ ప్రైవేట్ కంపెనీలో ఉద్యోగం చేసుకుంటున్న యువతి.. తన స్కూటీపై.. గురువారం ఉదయం డ్యూటీకి వెళుతుంది. కూకట్ పల్లి నుంచి వెళుతూ భరత్ నగర్ ఫ్లై ఓవర్ ఎక్కింది. ఆ సమయంలో ఆ యువతి స్కూటీని.. వెనక నుంచి వాటర్ ట్యాంకర్ ఢీకొట్టింది. అప్పటికీ ఏమీ కాలేదు.. ట్యాంకర్ ఢీకొట్టిన సమయంలో రోడ్డుపై పడిపోయింది.. అదే సమయంలో ఆ పక్కనే వస్తున్న ఆర్టీసీ బస్సు.. ఆ యువతి పైనుంచి వెళ్లింది. స్పాట్ లోనే చనిపోయింది ఆ యువతి. ఆ యువతిది శ్రీశైలంకు చెందిన సునీత(26) గా పోలీసులు గుర్తించారు. ఉద్యోగం కోసం.. బతుకుదెరువు కోసం హైదరాబాద్ వచ్చింది. కూకట్ పల్లిలో నివాసం ఉంటుంది. ఘటనా స్థలానికి చేరుకున్న సనత్ నగర్ పోలీసులు పోస్టుమార్టం నిమిత్తం మృతదేహాన్ని గాంధీ ఆసుపత్రికి తరలించారు.