మహేశ్వరం అర్బన్, జూన్ 15, ప్రభ న్యూస్ : మహేశ్వరం నియోజకవర్గ పరిధిలోని బడంగ్ పేట్ మున్సిపల్ కార్పోరేషన్ గుఱ్ఱంగూడాలోని ఆదిత్య నగర్ కాలనీలో మేయర్ చిగిరింత పారిజాత నర్సింహారెడ్డి పర్యటించారు. అనంతరం ఎక్కొని కుంట చెరువును పరిశీలించారు. కాలనీలో పర్యటించి హెచ్ఎండీఏ నిధులతో నిర్మాణంలో ఉన్న పనులను పరిశీలించి త్వరగా పనులను పూర్తి చేయాలని అధికారులను ఆదేశించారు.
ఎక్కొని కుంట చెరువు వద్ద కట్ట మరమ్మతులు పనులు త్వరలో ప్రారంభించడానికి కృషి చేస్తామన్నారు. ఈ కార్యక్రమంలో కమిషనర్ జి.రఘు, డీఈఈ యాదయ్య, కార్పొరేటర్లు గడ్డం లక్ష్మారెడ్డి, దడిగ శంకర్, యూత్ కాంగ్రెస్ అధ్యక్షుడు బోయపల్లి రాఘవేందర్ రెడ్డి, కాంగ్రెస్ పార్టీ నాయకులు గుర్రం లక్ష్మారెడ్డి, జక్కిడి విష్ణువర్ధన్ రెడ్డి, గడ్డం లింగారెడ్డి, ఐలమని, పందుల వెంకట్ గౌడ్, విగ్నేష్ రెడ్డి, రమేష్ గౌడ్, కాలనీ వాసులు, అధికారులు, తదితరులు పాల్గొన్నారు.