జనసేన అధినేత పవన్ కళ్యాణ్ జన్మదిన వేడుకలను ప్రపంచవ్యాప్తంగా ఆయ‌న అభిమానులు, జనసైనికులు, వీర మహిళలు ఘనంగా నిర్వహిస్తున్నారు. ఈ సందర్భంగా హైదరాబాద్ లోని ఫిలింనగర్ దైవ సన్నిధానంలో జనసేన పార్టీ తెలంగాణ ఇన్ ఛార్జ్ నేమూరి శంకర్ గౌడ్ ఆధ్వర్యంలో పవన్ కళ్యాణ్ పుట్టినరోజు వేడుకలను ఘనంగా నిర్వహించారు. ప్రత్యేక పూజలను చేయించారు. ఈసంద‌ర్భంగా జనసేన పార్టీ తెలంగాణ ఇన్ ఛార్జ్ శంకర్ గౌడ్ మాట్లాడుతూ… నీతి, నిజాయితీకి నిలువెత్తు నిదర్శనం పవన్ కళ్యాణ్ అన్నారు. డబ్బు రాజకీయాలను పక్కనపెట్టి, విలువలతో కూడిన రాజకీయాలను ప్రజలకు పరిచయం చేసిన గొప్ప వ్యక్తి పవన్ కళ్యాణ్ అని పేర్కొన్నారు. చివరి శ్వాస వరకు జనసేన పార్టీ కోసమే… తమ శక్తివంచన లేకుండా కృషి చేస్తామని శంకర్ గౌడ్ వెల్లడించారు. ఈ పూజా కార్యక్రమంలో… తెలంగాణ వీర మహిళా విభాగం చైర్మన్ కావ్య, పార్టీ ఆర్గనైజింగ్ సెక్రటరీ లిఖిత, ఎగ్జిక్యూటివ్ మెంబెర్ వెంకటలక్ష్మి, ఉస్మానియా యూనివర్సిటీ విద్యార్థి విభాగం వైస్ ప్రెసిడెంట్ రవీందర్ రెడ్డి, జనరల్ సెక్రెటరీ రామకృష్ణ, నరేష్, ఆదిలాబాద్ ఇన్ ఛార్జ్ సైదులు శ్రీనివాస్, భద్రాచలం కార్తీక్, గ్రేటర్ హైదరాబాద్ సూర్య, తదితర కార్యకర్తలు పాల్గొన్నారు.
జనసేన అధ్యక్షులు పవన్ కళ్యాణ్ స్ఫూర్తితో వీర మహిళా విభాగం ఉపాధ్యక్షురాలు నీహారిక నాయుడు ఆధ్వర్యంలో జూబ్లీహిల్స్ చిరంజీవి బ్లడ్ బ్యాంక్లో నిర్వహించబడుతున్న రక్తదాన శిబిరంలో తెలంగాణ రాష్ట్ర ఇన్ ఛార్జి నేమూరి శంకర్ గౌడ్ పాల్గొన్నారు. ఈ కార్యక్రమంలో వీర మహిళా విభాగం అధ్యక్షురాలు కావ్య, ఆర్గనైజింగ్ సెక్రెటరీ లిఖిత, ఎగ్జిక్యూటివ్ మెంబర్ వెంకట లక్ష్మీ, రాష్ట్ర విద్యార్థి విభాగం ఉపాధ్యక్షుడు రవీందర్ రెడ్డి, నరేష్, ప్రధాన కార్యదర్శి రామకృష్ణ, అదిలాబాద్ జిల్లా ఇన్ ఛార్జి సైదులు, గ్రేటర్ హైదరాబాద్ విద్యార్థి విభాగం ప్రధాన కార్యదర్శి సూర్య, ప్రణీత్, జనసైనికులు మోహన్, భరత్, గోపాల కృష్ణ, పవన్, మహేంద్ర తదితరులు పాల్గొన్నారు.