మైక్రో, స్మాల్ అండ్ మీడియం ఎంటర్‌ప్రైజెస్ అండ్ ఎక్స్‌పోర్ట్ ప్రమోషన్ డిపార్ట్‌మెంట్, ఉత్తరప్రదేశ్ ప్రభుత్వం ఒకే జిల్లా, ఒకే ప్రొడక్ట్ చొరవను ప్రోత్సహించడానికి ప్రపంచవ్యాప్తంగా ఉన్న భారతీయులు కంటెంట్‌ని వారి వారి స్థానిక భాషల్లో ఉపయోగించుకోడానికి, వ్యక్తీకరించడానికి రూపొందించిన మైక్రో-బ్లాగింగ్ ప్లాట్‌ఫాం అయిన కూ (koo) యాప్‌తో అవగాహన ఒప్పందం (MOU) కుదుర్చుకుంది. అదనపు చీఫ్ సెక్రటరీ నవనీత్ సెహగల్ IAS, మైక్రో, స్మాల్ అండ్ మీడియం ఎంటర్‌ప్రైజెస్ అండ్ ఎక్స్‌పోర్ట్ ప్రమోషన్, ఉత్తరప్రదేశ్ ప్రభుత్వం, కూ (koo) కో-ఫౌండర్ అండ్ చీఫ్ ఎగ్జిక్యూటివ్ ఆఫీసర్ అప్రమేయ రాధాకృష్ణ తో ఎంఓయూపై సంతకం చేసి ఒప్పందం కుదుర్చుకున్నారు.
ఈసంద‌ర్భంగా ఉత్తరప్రదేశ్ ప్రభుత్వ MSME అండ్ ఎగుమతి ప్రమోషన్ అదనపు ముఖ్య కార్యదర్శి నవనీత్ సెహగల్ మాట్లాడుతూ… కూ(Koo) తో ఈ అనుబంధం త‌మ ఓడిఓపి (ODOP) ఉత్పత్తులను ఎక్కువ మంది ప్రేక్షకులకు చేరవేయడంలో సహాయపడుతుందన్నారు. అనేక ప్రాంతీయ భాషల్లో ఓడిఓపి (ODOP) చుట్టూ సంభాషణలను నడపడానికి సహాయపడుతుంద‌ని తెలిపారు. కూ సహ వ్యవస్థాపకులు అప్రమేయ రాధాకృష్ణ మాట్లాడుతూ… ఉత్తరప్రదేశ్ ప్రభుత్వంతో ఈ ఎంఓయూ(MOU) పై సంతకం చేయడం ఆనందంగా ఉందన్నారు. ఓడిఓపి(ODOP) తీసుకురావడం ద్వారా ప్రపంచవ్యాప్తంగా స్థానిక ఉత్పత్తులను ప్రోత్సహించే విషయంలో ఉత్తరప్రదేశ్(UP) అగ్రగామిగా నిలిచిందన్నారు. స్థానిక కళాకారులు కళలను తీసుకువెళ్లి, భారతదేశం అంతటా వివిధ భాషలలో ప్రచారం చేయడం నిజంగా సంతోషకరమ‌ని తెలిపారు.