‘కవిత’ను కలిసిన ‘గోలి శ్యామల’

హైదరాబాద్‌ : ఎమ్మెల్సీ కవితను గోలి శ్యామల హైదరాబాద్‌లో మర్యాదపూర్వకంగా కలిశారు. భారత్ – శ్రీలంకల మధ్యనున్న పాక్ జలసంధిని ఈది రికార్డు సృష్టించిన గోలి శ్యామలను ఎమ్మెల్సీ కల్వకుంట్ల కవిత అభినందించారు. ఈ సందర్భంగా కవిత మాట్లాడుతూ.. 30 మైళ్ల పాక్ జలసంధిని ఈదిన ప్రపంచ రెండో మహిళగా శ్యామల రికార్డు సృష్టించడం గర్వకారణమన్నారు.అలాగే ఎమ్మెల్సీ కల్వకుంట్ల కవిత తన రోల్ మోడల్ గోలి శ్యామల అన్నారు. మధ్య తరగతి కుటుంబానికి చెందిన తనను, కవిత అన్ని విధాలుగా ప్రోత్సహించారని, తన కలలను సాకారం చేసుకోవడానికి ఆర్థికంగా చేయూతనిచ్చారని శ్యామల చెప్పారు.