హైదరాబాద్: దక్షిణాసియాలోని అతిపెద్ద క్యాన్సర్ గొలుసు ఆసుపత్రుల్లో భాగమైన గుంటూరులోని అమెరికన్ ఆంకాలజీ ఇన్‌స్టిట్యూట్ (AOI), అక్యూట్ టి-లింఫోబ్లాస్టిక్ లుకేమియా (T-ALL)తో బాధపడుతున్న, 4 ఏళ్ల తీవ్రమైన పోషకాహార లోపంతో బాధపడుతున్న చిన్నారికి విజయవంతంగా చికిత్స చేసి రక్షించింది. ఈ వయస్సు పిల్లలు సాధారణంగా 16-20 కిలోల ఆదర్శవంతమైన బరువు ఉండాల్సి వున్నప్పటికీ, ఈ పిల్లవాడు కేవలం 9 కిలోల బరువు మాత్రమే ఉన్నాడు. క్యాకెక్సియా తీవ్రత కారణంగా రోగికి బహుళ కేంద్రాల్లో చికిత్స నిరాకరించబడినందున ఈ అసాధారణమైన కేసు ఒక ముఖ్యమైన సవాలుగా హాస్పిటల్ కు నిలిచింది. AOIలోని కన్సల్టెంట్ మెడికల్ ఆంకాలజిస్ట్ డాక్టర్ రాంప్రహ్లాద్ కె ఎం మార్గదర్శకత్వంలో, పిల్లవాడిని పోషకాహార, శక్తివంతమైన ఆహార ప్రణాళికలో ఉంచారు. ప్రోటీన్ సప్లిమెంట్‌తో అతని డైట్ ను సమృద్ధి చేశారు. అతని బరువు, వయస్సుకి తగినట్లుగా ఔషధ మోతాదు సర్దుబాటుతో కీమోను ప్రారంభించారు. అయినప్పటికీ, కీమోథెరపీ సమయంలో, ఆ పిల్లవాడు వివిధ రకాల ఇన్ఫెక్షన్లను ఎదుర్కొన్నాడు. నిపుణులైన వైద్య ఆంకోలాజికల్ బృందం, అంకితమైన నర్సింగ్ సిబ్బంది ఈ ఇన్ఫెక్షన్లను నిర్వహించడానికి, చికిత్స చేయడానికి కలిసి పనిచేశారు. చివరికి న్యూట్రోపెనిక్ సెప్సిస్ నుండి కోలుకోవడంలో ఆ చిన్నారికి అది సహాయపడింది.
ఈసందర్భంగా ఏఓఐ కన్సల్టెంట్ మెడికల్ ఆంకాలజిస్ట్ డీఎం (మెడికల్ ఆంకాలజీ), MD (ఇంటర్నల్ మెడిసిన్) డాక్టర్ రాంప్రహ్లాద్ కె ఎం, మాట్లాడుతూ… ఈ కేసు అత్యవసర స్థితిని గుర్తించామన్నారు. సమగ్ర విధానాన్ని తీసుకున్నామన్నారు. తర్వాత జాగ్రత్తగా మోతాదు సర్దుబాటు చేసిన తరువాత తాము రోగి బరువు, వయస్సు-తగిన ఔషధ స్థాయిలను నిశితంగా పరిశీలిస్తూ కీమోథెరపీని ప్రారంభించామన్నారు. ప్రాథమిక బ్లడ్ కౌంట్ 2 లక్షలకు మించి ఉన్నాయి. అయినప్పటికీ, తమ సమగ్ర చికిత్స ప్రణాళిక, తమ బృందం అందించిన అసాధారణమైన సంరక్షణ మెరుగు పరచడంలో సహాయపడిందన్నారు. రోగి బ్లడ్ కౌంట్ సాధారణ స్థితికి చేరుకుందన్నారు. చిన్నారి బరువు 9కిలోల నుండి 10 కిలోలకు పెరిగిందని, ఉపశమనం లభించిందని పంచుకోవడానికి తాము సంతోషిస్తున్నామన్నారు.
AOI రీజినల్ చీఫ్ ఆపరేటింగ్ ఆఫీసర్ (RCOO), మహేంద్ర రెడ్డి మాట్లాడుతూ… ఈ అద్భుతమైన విజయగాథ తమ మిషన్‌కు నిదర్శనమన్నారు. తమ రోగులందరికీ అత్యంత అధునాతనమైన, వ్యక్తిగతీకరించిన క్యాన్సర్ కేర్‌ను అందించడానికి తాము ప్రాధాన్యత ఇస్తున్నామన్నారు. AOI వద్ద తమ అంకితభావం కలిగిన వైద్య నిపుణులు తమ రోగులందరికీ సంరక్షణ, సహాయాన్ని అందించడంలో ముందంజలో వున్నారు. ఈ కేసు సాధ్యమైనంత ఉత్తమమైన ఫలితాలను అందించడానికి నిరంతరం కృషి చేయడం ప్రాముఖ్యతను వెల్లడి చేస్తుందన్నారు.