తెలంగాణ రాష్ట్ర రోడ్డు రవాణా సంస్థ కర్ణాటకలోని ప్రముఖ క్షేత్రమైన దత్తాత్రేయ స్వామి ఆలయానికి ప్రత్యేక టూర్ ప్యాకేజీని ప్ర‌క‌టించింది. గానుగాపూర్‌తో పాటు మహారాష్ట్రలోని పండరీపూర్‌, తుల్జాపూర్‌ ఆలయాల దర్శనం సైతం కల్పించనున్నారు. ప్రత్యేక బస్సు ఈ నెల 31న ఉద‌యం హైదరాబాద్‌ నుంచి గానుగాపూర్‌ ఆలయానికి ఎంజీబీఎస్‌ నుంచి బయలుదేరుతుంది. కాగా, ఈ టూర్ ప్యాకేజీ ముందస్తు రిజర్వేషన్ ప్రస్తుతం కొనసాగుతోంది. ఈ సంద‌ర్భంగా.. భక్తులు http://tsrtconline.in వెబ్ సైట్ లోకి వెళ్లి తమ టికెట్లను బుకింగ్ చేసుకోగలరని టీఎస్ ఆర్టీసీ అధికారులు సూచించారు.
- Advertisement -