HYD: కారులో మంటలు.. తప్పిన ప్రమాదం

హైదరాబాద్ నగరంలోని లంగర్‌ హౌస్‌లో కారులో మంటలు చెలరేగాయి. ఈరోజు తెల్లవారుజామున 2 గంటల సమయంలో టిప్పుఖాన్‌ బ్రిడ్జిపై ఓ కారులో మంటలు చెలరేగాయి. గుర్తించిన డ్రైవర్‌ కారును నిలిపి అందులోనుంచి దిగిపోవడంతో ప్రాణనష్టం తప్పింది. క్రమంగా మంటలు కారు మొత్తానికి వ్యాపించడంతో కారు పూర్తిగా దగ్ధమైంది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకున్నారు. మంటలను అదుపులోకి తీసుకొచ్చారు.