మధుమేహంతో బాధపడుతున్నరోగుల‌కు వ్యాధిని నియంత్రించడంలో సహాయపడే ప్రత్యేక ఆహార ప్రణాళిక అవసరం. ప్రపంచ వ్యాప్తంగా మధుమేహం ఒక ప్రధాన ఆరోగ్య సమస్య. భారతదేశంలో 77 మిలియన్ల కంటే ఎక్కువ మంది మధుమేహంతో బాధపడుతున్నారు. డేటా ప్రకారం ఈ సంఖ్య 2045 నాటికి 135 మిలియన్లకు చేరుకుంటుంది. డయాబెటిస్ ప్రాబల్యం నాటకీయ పెరుగుదల ఎక్కువగా జనాభా, సామాజిక ఆర్థిక, పోషక కారకాలలో వేగ వంతమైన మార్పుల మూలంగా అని చెప్పవచ్చు. దీంతో పాటు, ప్రధానంగా నిశ్చల జీవనశైలి ఊబకాయం, ఇతర ఆహార సంబంధిత నాన్‌కమ్యూనికబుల్ వ్యాధుల పెరుగుదలకు దారితీసింది. ఈ పరిస్థితిని ఎలా నిర్వహించాలనే దాని గురించి అబాట్ న్యూట్రిషన్ బిజినెస్‌ మెడికల్ అఫైర్స్ హెడ్ డాక్టర్ ఇర్ఫాన్ షేక్ మాట్లాడుతూ… డయాబెటిస్ అనేది దీర్ఘకాలిక వ్యాధి, దీనిపై శ్రద్ధ అవసరమ‌న్నారు. రోగనిర్ధారణ చేయకపోతే, కాల క్రమేణా, పెరిగిన గ్లూకోజ్ స్థాయిలు గుండె జబ్బులు, దృష్టి నష్టం, మూత్రపిండాల రుగ్మతలు వంటి తీవ్రమైన ఆరోగ్య సమస్యలను కలిగిస్తాయన్నారు. జీవనశైలి నిర్వహణ వంటి ప్రారంభ జోక్యాలు మధుమేహాన్ని నిర్వహించడంలో కీలక పాత్ర పోషిస్తాయన్నారు. అబాట్, వివిధ కార్యక్రమాల ద్వారా మధుమేహం గురించి మరింత అవగాహన కల్పించేందుకు, ఆ పరిస్థితిని నిర్వహించడానికి సరైన పోషకాహారం అవసరాన్ని చాటేలా అవగాహన పెంచడానికి కట్టుబడి ఉందన్నారు.
జోస్లిన్ డయాబెటిస్ సెంటర్‌లోని ఇన్‌పేషెంట్ డయాబెటిస్ ప్రోగ్రామ్ డైరెక్టర్, ఒబేసిటీ క్లినికల్ ప్రోగ్రామ్ మెడికల్ డైరెక్టర్ డాక్టర్ ఒసామా హమ్డీ మాట్లాడుతూ… ఆరోగ్యకరమైన ఆహారంలోకి మారినప్పుడు, దశాబ్దాలుగా కొనసాగిస్తూ వచ్చిన ఆహారపు అలవాట్లను వదిలివేయడాన్ని మధుమేహ వ్యాధిగ్రస్తుల్లో సాధారణంగా గమనిం చవచ్చన్నారు. దీని అర్థం 38శాతం కంటే తక్కువ కట్టుబడి ఉండే రేటన్నారు. అందువల్ల, ట్రాన్స్‌ కల్చరల్ డయాబెటిస్ న్యూ ట్రిషన్ అల్గోరిథం (టీడీఎన్ఏ) అనేది జీవనశైలి సిఫార్సుల అమలును ప్రోత్సహించడానికి, ప్రీడయాబెటిస్, టీ2డీ రోగుల్లో వ్యాధి-సంబంధిత ఫలితాలను మెరుగు పరచడానికి ఉద్దేశించిన ఒక చికిత్సా సాధనమ‌న్నారు. తనకు కావాల్సినంత తినడం, బరువు తగ్గడం, గ్లైసెమిక్ నియంత్రణ నిర్వహణలలో ఇది రోగికి తోడ్పడుతుందన్నారు.