హైదరాబాద్ : ఈనెల 5వ తేదీన కేంద్ర హోంమంత్రి అమిత్ షా హైదరాబాద్ వొస్తున్నట్లు మల్కాజిగిరి బీజేపీ అభ్యర్థి ఈటెల రాజేందర్ తెలిపారు. శుక్రవారం కంటోన్మెంట్ లో జరిగిన విలేకరుల సమావేశంలో ఆయన మాట్లాడారు. మల్కాజిగిరి పార్లమెంట్ పరిధిలోని 7 నియోజకవర్గాల పరిధిలోని బహిరంగ సభ 5వ తేదీన పరేడ్ గ్రౌండ్ లో నిర్వహిస్తున్నామన్నారు.
ఈ బహిరంగ సభకు అమిత్ షా ముఖ్య అతిథిగా పాల్గొంటారని ఈటెల రాజేందర్ తెలిపారు. బీజేపీ నాయకులు, కార్యకర్తలు, ప్రజలు అధిక సంఖ్యలో పాల్గొనాలని ఆయన విజ్ఞప్తి చేసారు. ఈ విలేకరుల సమావేశంలో మాజీ ఎమ్మెల్యే లు భేతి శుభాష్ రెడ్డి, ఎన్వీఎస్ ప్రభాకర్, నాయకులు ఏనుగు సుదర్శన్ రెడ్డి, మల్లికార్జున్, బీఎన్ శ్రీనివాస్, తదితరులు పాల్గొన్నారు.