హైదరాబాద్ : గ్రేడ్ IV కేంద్ర నాడీ వ్యవస్థ కణితి అయిన గ్లియోబ్లాస్టోమా మల్టీఫార్మ్ (GBM) ( హై గ్రేడ్ బ్రెయిన్ ట్యూమర్ ) తో బాధపడుతున్న 9 ఏళ్ల చిన్నారికి విజయవంతంగా చికిత్స అందించడం ద్వారా ఒక అద్భుతమైన మైలురాయిని అమెరికన్ ఆంకాలజీ ఇన్‌స్టిట్యూట్ (AOI) గుంటూరు చేరుకుంది. మెదడు క్యాన్సర్ ఈ కణితి కారణంగా తలనొప్పి, వికారం, వాంతులు, అవయవాల బలహీనత వంటి తీవ్రమైన సమస్యలు కలుగుతాయి. దీనికి తక్షణ, ప్రత్యేక శ్రద్ద తో పాటుగా సమర్థవంతమైన చికిత్స కూడా అవసరం పడుతుంది. అడపాదడపా తలనొప్పి, ఉదయం పూట వాంతులు, కుడి వైపు అవయవ బలహీనత కారణంగా ఆమె పాదాలను ఈడ్చటం వంటి సమస్యలతో ఆమె హాస్పిటల్ కు వచ్చింది. ఆమె మెదడుకు MRI చేసినప్పుడు కుడి వైపు హై ఫ్రంటో-ప్యారిటల్ (లలాట పార్శ్వక) ప్రాంతంలో 6.5×4.0cm పరిమాణంలో కణితిని AOI గుంటూరులోని వైద్య బృందం గుర్తించింది, ఈ కణితి కుడి పార్శ్వ జఠరికపై ఒత్తిడిని కలిగిస్తుంది. తొలుత ఆమెకు బయటి ఆసుపత్రిలో రైట్ ఫ్రంటో-ప్యారిటల్ క్రానియోటమీ శస్త్రచికిత్స చేశారు. అక్కడ ఆమెకు GBM గ్రేడ్ IV నిర్ధారణ చేశారు. శస్త్రచికిత్స అనంతర MRI మెదడు స్కాన్‌ చేయగా కార్పస్ కాలోసమ్ తో కూడిన కణితిని రైట్ ఫ్రంటో-ప్యారిటల్ వద్ద 4.5×4.3cm పరిమాణం తో ఉన్నట్లు గుర్తించారు. డాక్టర్ కె. సుధాకర్, రేడియేషన్ ఆంకాలజిస్ట్, డాక్టర్ సాయి బాబు, అనస్థీషియాలజిస్ట్, AOI గుంటూరు నిపుణుల ఆధ్వర్యంలో అధునాతన రేడియేషన్ థెరపీని ఉపయోగించి ఆమెకు చికిత్స అందించారు. అత్యాధునిక హల్సియోన్ లీనియర్ యాక్సిలరేటర్‌ను ఉపయోగించి ఆమెకు చికిత్స చేశారు.
ఈసంద‌ర్భంగా డాక్టర్ కె. సుధాకర్ మాట్లాడుతూ…. గ్లియోబ్లాస్టోమా మల్టీఫార్మ్‌తో బాధ పడుతున్న ఈ 9 ఏళ్ల చిన్నారికి విజయవంతమైన చికిత్స అందించడం త‌మ రోగులకు అత్యాధునికమైన, కారుణ్య సంరక్షణను అందించడంలో AOI గుంటూరు నిబద్ధతను ఉదహరిస్తుందన్నారు. అధునాతన హల్సియోన్ లీనియర్ యాక్సిలరేటర్ సహాయంతో, తాము కణితిని అత్యంత ఖచ్చితత్వంతో లక్ష్యంగా చేసుకోగలిగామన్నారు. అదే సమయంలో క్లిష్టమైన మెదడు నిర్మాణాలకు సంభావ్య నష్టాన్ని తగ్గించడం, రోగికి సాధ్యమైనంత ఉత్తమమైన ఫలితాన్ని అందించడం చేయగలిగామన్నారు. చికిత్స తర్వాత ఈ బాలిక పురోగతి త‌మ‌కు అపారమైన ఆనందాన్ని కలిగించిందన్నారు. క్యాన్సర్ సంరక్షణను అభివృద్ధి చేయడంలో, త‌మ రోగులకు, వారి కుటుంబాలకు ఆశను అందించడంలో త‌మ అంకితభావాన్ని ఇది మరింతగా వెల్లడించిందన్నారు. రీజనల్ చీఫ్ ఆపరేటింగ్ ఆఫీసర్ మహేందర్ రెడ్డి మల్టీడిసిప్లినరీ టీమ్ కృషికి తన అభినందనలు తెలిపారు. ఆయన మాట్లాడుతూ… AOI గుంటూరు వద్ద తాము సేవలందిస్తున్న ప్రతి రోగికి సమగ్రమైన, వ్యక్తిగతీకరించిన సంరక్షణను అందించడానికి తాము కృషి చేస్తున్నామన్నారు. ఈ విజయవంతమైన చికిత్స క్యాన్సర్‌పై త‌మ పోరాటంలో తాము ఉపయోగించే సహకార విధానానికి, అత్యాధునిక సాంకేతికతకు నిదర్శనన్నారు.