రౌండ్ 2ః 2613 ఓట్ల మెజార్టీలో టి ఆర్ ఎస్ అభ్య‌ర్ధి వాణీదేవి..

మహబూబ్‌నగర్, రంగారెడ్డి, హైదరాబాద్ పట్టభద్రుల ఎమ్మెల్సీ ఎన్నికల కౌంటింగ్ రెండో రౌండ్‌ ఫలితాల్లోనూ టీఆర్ఎస్ ఆధిక్యంలో నిలిచింది.రెండో రౌండ్‌ ముగిసే వరకు టీఆర్‌ఎస్‌ అభ్యర్థి సురభి వాణీదేవి ఆధిక్యంలో ఉన్నారు. సమీప అభ్యర్థి రామచందర్‌రావుపై 2,613 ఓట్లతో ఆధిక్యం సాధించారు. ప్రస్తుతం మూడో రౌండ్‌ కౌంటింగ్‌ కొనసాగుతోంది. రెండో రౌండ్‌లో టీఆర్‌ఎస్‌ అభ్యర్థికి 17,732, బీజేపీకి 16,173, నాగేశ్వర్‌ 8,594, కాంగ్రెస్‌కు 4,980 ఓట్లు పోలయ్యాయి. అలాగే ఈ రౌండ్‌లోనూ 3,375 ఓట్లు చెల్లలేదు. రెండు రౌండ్లలో టీఆర్‌ఎస్‌ అభ్యర్థి వాణీదేవికి 35,171 ఓట్లు రాగా, బీజేపీ అభ్యర్థికి 32,558 ఓట్లు వచ్చాయి.. ఇక మొదటి రౌండ్‌ ఫలితాల్లో టీఆర్ఎస్ అభ్యర్థి సురభివాణికి 17,439 మొదటి ప్రాధాన్యతా ఓట్లు లభించగా, ద్వితీయ స్థానంలో బీజేపీ అభ్యర్థి రామచందర్‌రావుకు 16,385, తృతీయ స్థానంలో ప్రాఫెసర్ నాగేశ్వర్‌కు 8357, కాంగ్రెస్ అభ్యర్థి చిన్నారెడ్డికి 5082 ఓట్లు, టీడీపీ అభ్యర్థి రమణకు 929 ఓట్లు లభించాయి. అదే విధంగా చెల్లని ఓట్లు 3374 నమోదయ్యాయి