నిన్న రాత్రి హైద‌రాబాద్‌లో భారీ వ‌ర్షాలు కుర‌వ‌డంతో రోడ్లు జ‌ల‌మ‌య‌మైన విష‌యం తెలిసిందే. దీంతో హైదరాబాద్‌ శివారులోని అబ్దుల్లాపూర్‌మెట్‌ సమీపంలోని చింతలచెరువు నిండిపోవ‌డంతో స్థానికులు తీవ్ర ఇబ్బందులు ప‌డుతున్నారు. అంతేకాదు, హైదరాబాద్‌-విజయవాడ జాతీయ రహదారిపైకి వరద నీరు చేరింది. హైదరాబాద్‌-విజయవాడ జాతీయ రహదారిపై భారీగా ట్రాఫిక్ జామ్ అయింది. దీంతో వాహనదారుల‌కు తీవ్ర ఇబ్బందులు పడ్డారు. ఈ రోజు జాతీయ రహదారిపై ట్రాఫిక్ స్తంభించడంతో స్థానిక పోలీసులు ట్రాఫిక్‌ను నియంత్రించేందుకు ప్ర‌య‌త్నిస్తున్నారు. ఆ ప్రాంతంలో వాహ‌నాలు న‌త్త‌నడ‌క‌న ముందుకు కదులుతున్నాయి. అలాగే, బాటసింగారం నుంచి మజీద్‌పూర్‌ వెళ్లే దారిలోనూ వరద ప్ర‌భావం అధికంగా ఉండ‌డంతో వాహ‌న‌దారులు తీవ్ర ఇబ్బందులు ఎదుర్కొంటున్నారు.
ఇది కూడా చదవండి: పెరిగిన బంగారం ధరలు.. బంగారం బాటలోనే వెండి