యూనియ‌న్ బ్యాంకు బిల్డింగ్ లోని నాలుగ‌వ అంత‌స్తులో ఆక‌స్మాత్తుగా మంట‌లు చెల‌రేగాయి. ఈ అంత‌స్తులోని ల్యాప్‌టాప్ ప్యాకింగ్ కార్యాల‌యంలో ఒక్క‌సారిగా అగ్నికీల‌లు ఎగిసిప‌డ్డాయి. దీంతో అప్ర‌మ‌త్త‌మైన సిబ్బంది అగ్నిమాప‌క సిబ్బందికి స‌మాచారం అందించింది. ఘ‌ట‌నాస్థ‌లానికి చేరుకున్న అగ్నిమాప‌క సిబ్బంది మంట‌ల‌ను అదుపు చేసింది. హైద‌రాబాద్ న‌గ‌ర శివార్ల‌లోని గండిపేట‌లో శ‌నివారం మ‌ధ్యాహ్నం ఈ భారీ అగ్నిప్ర‌మాదం సంభ‌వించింది. కాగా బ్యాంక్‌కు ఎలాంటి ప్ర‌మాదం సంభ‌వించ‌లేదు. బిల్డింగ్ ప‌రిస‌ర ప్రాంతాల్లో ద‌ట్ట‌మైన పొగ క‌మ్ముకుంది. దీంతో స్థానికులు తీవ్ర ఆందోళ‌న‌కు గుర‌య్యారు. అగ్నికీల‌లు ఎగిసిప‌డ్డ స‌మ‌యంలో అక్క‌డ ఎవ‌రూ లేక‌పోవ‌డంతో పెను ప్ర‌మాదం త‌ప్పింద‌ని పోలీసులు తెలిపారు. ఈ ప్ర‌మాదంలో ల్యాప్‌టాప్‌లు, డెస్క్‌టాప్‌లు ద‌గ్ధ‌మైన‌ట్లు తెలిపారు. షాట్ స‌ర్క్యూట్ కార‌ణంగానే అగ్నిప్ర‌మాదం జ‌రిగిన‌ట్లు తెలుస్తోంది.మిగ‌తా వివ‌రాలు తెలియాల్సి ఉంది.
Advertisement
తాజా వార్తలు
Advertisement