- రేప‌టి నుంచి వెబ్‌సైట్‌లో ఉంటాయన్న టీజీపిీఎస్సీ
రాష్ట్ర వ్యాప్తంగా 33 జిల్లాల్లో ఈ నెల 15,16 తేదీల్లో 1368 పరీక్ష కేంద్రాలలో జరిగే గ్రూప్‌2 పరీక్షల హాల్‌ టికెట్లను అందుబాటులో ఉంచుతున్నట్టు తెలంగాణ పబ్లిక్‌ సర్వీస్‌ కమిషన్‌ ప్రకటించింది. ఈ నెల 9 నుంచి హాల్‌ టికెట్లు వెబ్‌సైట్‌లో అందుబాటులో ఉంటాయని ఆ రోజు నుంచి డౌన్‌లోడ్‌ చేసుకోవచ్చని తెలిపింది.
రోజూ ఉదయం, మధ్యాహ్నం రెండు సెషన్లలో పరీక్షలు నిర్వహిస్తామని తెలిపింది. ఉదయం సెషన్‌లో 8.30 నుంచి 9.30 గంటల వరకు..మధ్యాహ్నం పరీక్షకు 1.30 గంటల నుంచి 2.30 వరకు పరీక్షా కేంద్రంలోకి అనుమతించనున్నారు. తర్వాత వచ్చిన వారికి పరీక్షా కేంద్రంలోకి అనుమతి ఇవ్వరని అభ్యర్థులకు టీజీపీఎస్సీ సూచనలు చేసింది.