హైద‌రాబాద్ -ఉస్మానియా నూతన భవన నిర్మాణాన్ని వీలైనంత త్వరగా చేపట్టాలంటూ ట్విట్టర్‌ వేదికగా పేర్కొన్న గవర్నర్ తమిళిసై నేడు ఆ హాస్ప‌ట‌ల్ ను సంద‌ర్శించారు.. ఉస్మానియా నూతన భవన నిర్మాణాన్ని వీలైనంత త్వరగా చేపట్టాలంటూ గతంలో ట్విట్టర్‌ వేదికగా పేర్కొన్న గవర్నర్ తమిళసై.. ఇప్పుడు నేరుగా ఉస్మానియా ఆసుపత్రిని విజిట్‌ చేశారు. ఈ సందర్భంగా తమిళిసై బిల్డింగ్‌ నిర్మాణం తదితర వివరాలను అడిగితెలుసుకున్నారు. బిల్డింగ్‌ పరిస్థితిని డిప్యూటీ అధికారులు గవర్నర్ కు వివరించారు. అనంతరం తమిళిసై ఆసుపత్రిలో చికిత్స పొందుతున్న రోగులను కలిసి వారితో మాట్లాడారు. సౌకర్యాలు, వైద్యం అందుతున్న తీరు.. పలు వివరాలను అడిగి తెలుసుకున్నారు. హాస్ప‌ట‌ల్స్ వ‌స‌తులు స‌రిగా లేవ‌ని, న్యూరో స‌ర్జ‌న్ రూమ్ కు అస‌లు పై క‌ప్పు లేద‌ని గవర్నర్ అస‌హ‌నం వ్య‌క్తం చేశారు.. త‌న‌పై ఎవ‌రు ఎన్ని విమ‌ర్శ‌లు చేసినా ప‌ట్టించుకోన‌ని, త‌న ల‌క్ష్యం పేద‌ల‌కు వైద్య సేవ‌లు స‌రిగా అంద‌ల‌నేదే త‌న త‌ప‌న అని పేర్కొన్నారు.. ప్ర‌భుత్వ కార్య‌క్ర‌మాల‌ను పొగ‌డ‌టం త‌న బాధ్య‌త కాద‌ని తేల్చి చెప్పారు..
కాగా గతంలో గతంలో గవర్నర్ చేసిన ట్వీట్‌కి మంత్రి హరీష్‌రావు కౌంటర్‌ ఇచ్చారు. తెలంగాణలో జరిగే అభివృద్ధి కనిపించడం లేదా అని ప్రశ్నించారు మంత్రి హరీష్‌రావు. ప్రభుత్వం ఉస్మానియా ఆసుపత్రి నిర్మాణానికి సిద్ధంగా ఉందని స్పష్టం చేశారు మంత్రి. కోర్టు పరిధిలో ఉండడం వల్ల సైలెంట్‌గా ఉన్నామని మంత్రి పేర్కొన్నారు. మ‌రో విషయం ఏమిటంటే గవర్నర్ ఉస్మానియాను సంద‌ర్శిస్తున్న స‌మ‌యంలోనే హారీష్ రావు త‌న చాంబ‌ర్ లో వైద్య శాఖ అధికారులతో ఉస్మానియాపై సమీక్ష నిర్వ‌హించారు.. ఈ సమీక్ష కార్య‌క్ర‌మం షెడ్యూల్ 20 రోజుల క్రిత‌మే ఖ‌రారు కాగా, ఈ విషయం తెలుసుకున్న గవర్నర్ నేడు ఆక‌స్మిక ఉస్మానియాను సందర్శించారంటూ బిఆర్ఎస్ నేత‌లు విమ‌ర్శ‌లు గుప్పిస్తున్నారు.