గద్వాల (ప్రతినిధి) – గద్వాల నియోజకవర్గ కాంగ్రెస్ పార్టీ ఎమ్మెల్యే అభ్యర్థి చింతలపేట ఇండోర్ స్టేడియంలో మార్నింగ్ వాక్ చేశారు. ఈ సందర్భంగా ఆమె ఇండోర్ స్టేడియంలో క్రీడాకారులతో షటిల్ ఆడారు. స్టేడియంలో వాకింగ్ చేసే వారితో కలిసి మాట్లాడారు. క్రికెట్ క్రీడాకారులు ఆమెను కలిసి సెల్ఫీలు తీసుకున్నారు. అనంతరం కొత్త బస్టాండ్ సమీపంలోని కృష్ణవేణి చౌరస్తాలో కూరగాయలు, ఆకు కూరలు అమ్మే వారితో మాట్లాడి రాబోయే ఎన్నికలలో కాంగ్రెస్ పార్టీ హస్తం గుర్తుకు ఓటేసి తనను గెలిపించాలని కోరారు. అక్కడి నుంచి కొత్త బస్టాండ్ ఎదురుగా ఎస్బిహెచ్ బాంక్ దగ్గర గల దౌలత్ టీ స్టాల్ దగ్గర చాయ్ కలిపి, అక్కడ ఉన్న ఉద్యోగులు, స్థానికులతో కలిసి చాయ్ తాగారు. అక్కడ ఉన్నవారంతా ఆమెను పలకరించి మద్దతు ప్రకటించారు.
అక్కడికి వచ్చిన వారితో మాట్లాడి రాబోయే ఎన్నికలు గద్వాల ప్రజలకు ఎంతో ముఖ్యమైనవని, ఈ ఎన్నికలు కొందరు బలవంతులకు అధిక సంఖ్యాకులైన బలహీన వర్గాలకు జరుగుతున్న యుద్ధంలాంటివని, ఈ యుద్ధంలో బడుగు, బలహీన వర్గాల తరపున నేను కాంగ్రెస్ అభ్యర్థిగా మీ ముందుకు వచ్చానని, నాకు మీ అందరూ మద్దతిచ్చి మనందరి గెలుపు కోసం చెయ్యి గుర్తుకు ఓటెయ్యాలని కోరారు.
వీరి వెంట కాంగ్రెస్ పార్టీ నాయకులు మధుసూదన్ బాబు, గంజిపేట్ తిమ్మప్ప, ఎల్లప్ప, దుబ్బ రఘు, రాము యాదవ్, ఇమ్మానేయిల్,కొత్త గణేష్, షాష, కాంగ్రెస్ నాయకులు తదితరులు ఉన్నారు.