మణికొండ, ఆంధ్రప్రభ : మణికొండ పరిధి పుప్పాలగూడలో భారీ అగ్నిప్రమాదం చోటు చేసుకుంది. గోల్డెన్ ఒరియల్ అపార్టుమెంట్లోని ఓ ఫ్లాట్లో విద్యుదాఘాతంతో ఈ ప్రమాదం జరిగింది. ఒక్కసారిగా గ్యాస్ సిలిండర్ పేలడంతో మంటలు చెలరేగాయి. దీంతోఅపార్టుమెంట్ వాసులు బయటకు పరుగులు తీశారు.
- Advertisement -
ఫ్లాట్ లోని ఐదుగురు కుటుంబ సభ్యులు బయటకు వచ్చి ప్రాణాలు దక్కించుకున్నారు. ఈ ఘటనలో ఫ్లాట్ పూర్తిగా దగ్ధమైంది. దాచుకున్న డబ్బులు, దుస్తులు, విలువైన సామగ్రి కాలి బూడిదయ్యాయి. సుమారు రూ.50 లక్షల ఆస్తి నష్టం వాటిల్లినట్లు సమాచారం.