హైదరాబాద్ నగర శివారు మణికొండ పరిధిలో అగ్నిప్రమాదం జరిగింది. పుప్పాలగూడలోని ఈఐపీఎల్ అపార్ట్‌మెంట్ 9వ అంతస్తులో మంటలు చెలరేగడంతో అపార్ట్‌మెంట్ వాసులు భయంతో పరుగులు తీశారు. ఈ అపార్ట్‌మెంట్‌లోని తొమ్మిదో ఫ్లోర్‌లో గల ఒక ప్లాట్‌లో మూడు రోజుల క్రితం గృహప్రవేశం జరిగింది.
ఆ సందర్భంగా ఫ్లాట్‌లో వెలిగించిన దీపం బుధవారం కిందపడటంతో మంటలు అంటుకున్నాయని సమాచారం. ఆపార్ట్‌మెంట్ వాసుల సమాచారంతో అగ్నిమాపక సిబ్బంది హుటాహుటిన అక్కడకు చేరుకుని మంటలను అదుపులోకి తీసుకువచ్చారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
- Advertisement -