ఖ‌మ్మం జిల్లాలో దారుణం చోటుచేసుకుంది. కన్నతల్లిని, తన ఇద్దరు పిల్లల్ని తండ్రి దారుణంగా హత్య చేశాడు. ఈ ఘటన తల్లాడ మండలం గోపాలపేట గ్రామంలో చోటు చేసుకుంది. పిట్టల వెంకటేశ్వర్లు అనే వ్యక్తి తన తల్లి పిట్టల పిచ్చమ్మ(60), అతని ఇద్దరి కూతుళ్లు పిట్టల నీరజ (10), పిట్టల ఝాన్సీ (6)లను ఈ రోజు తెల్లవారు జామున చంపి పరారయ్యాడు.
శుక్రవారం రాత్రి పిల్లలతో కలిసి నిద్రిస్తున్న తల్లిని ఇద్దరి పిల్లలను శనివారం తెల్లవారుజామున గొంతుకు చున్నీ బిగించి ఊపిరాడకుండా చేసి ముగ్గురిని చంపి నిందితుడు పరారయ్యాడు. ముగ్గురిని హత్య చేయటానికి కుటుంబ కలహాల లేక ఆర్థిక ఇబ్బందుల కారణాలు తెలియరాలేదు. నిందితుడు గత రెండేళ్లు క్రితం భార్యను కూడా ఇదే రీతిలో హత్య చేసినట్లు సమాచారం. గ్రామస్తుల సమాచారం మేరకు సంఘటనపై స్థానిక సీఐ యన్ సాగర్, తల్లాడ ఎస్సై కొండలరావుతో కలిసి సంఘటన స్థలానికి చేరుకొని వివరాలు సేకరించి కేసు నమోదు చేసి దర్యాప్తు చేస్తున్నారు. మృతదేహాలను స్థానిక ప్రభుత్వాసుపత్రికి పోస్టుమార్టం నిమిత్తం తరలించారు.