ఫామ్ హౌస్ కేసు.. నిందితుల కస్టడీ పిటిషన్ కొట్టివేత

తెలంగాణ రాష్ట్రంలో సంచ‌ల‌నం సృష్టించిన‌ ఫామ్ హౌస్ ప్రలోభాల కేసులో నిందితుల కస్టడీ పిటిషన్ పై ఏసీబీ కోర్టు విచారణ జరిపింది. ఈ నేపథ్యంలో ముగ్గురు నిందితులు రామచంద్ర భారతి, సింహయాజి, నందకుమార్ లను కస్టడీకి కోరుతూ సిట్ దాఖలు చేసిన పిటిషన్ ను ఏసీబీ కోర్టు తిరస్కరించింది. నిందితులను ఐదు రోజుల కస్టడీకి ఇవ్వాలని సిట్ పిటిషన్ లో పేర్కొంది. ఈ నేపథ్యంలో మరోసారి కస్టడీకి ఇవ్వలేమని కోర్టు స్పష్టం చేసింది. సిట్ వేసిన పిల్ ను తోసిపుచ్చిన ఏసీబీ కోర్టు పిటిషన్ ను కొట్టివేసింది. గతంలో నిందితులను రెండు రోజులపాటు పోలీస్ కస్టడీకి న్యాయస్థానం అనుమతిచ్చిన విష‌యం తెలిసిందే.