గ్యాస్ సిలిండ‌ర్ పేలి ఇద్ద‌రికి తీవ్ర‌గాయాలైన ఘ‌ట‌న హైదరాబాద్ లో చోటుచేసుకుంది. నగరంలోని ఎస్‌ఆర్‌ నగర్ లో ఉన్న బీకేగూడలో ఓ ఇంట్లో అర్ధరాత్రి వంట గ్యాస్ సిలిండ‌ర్ పేలింది. ముందుగా గ్యాస్ లీక్ ఆత‌ర్వాత పేలుడు సంభవించింది. పేలుడు ధాటికి గోడ కూలిపోయింది. ఈ ప్ర‌మాదంలో ఒకరు తీవ్రంగా గాయపడ‌గా, మరో యువకునికి మంటలు అంటుకున్నాయి. సమాచారం అందుకున్న పోలీసులు ఘటనా స్థలానికి చేరుకుని, క్షతగాత్రులను గాంధీ ఆస్ప‌త్రికి తరలించారు. ఈ ఘటనపై పోలీసులు కేసు నమోదుచేసి దర్యాప్తు చేస్తున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..
#AndhraPrabha #AndhraPrabhaDigital