న్యూ ఢిల్లీ – . నేటి మధ్యాహ్నం 12 గంటల సమయంలో తెలంగాణ రాష్ట్రంతో పాటు మరో నాలుగు రాష్ట్రాల అసెంబ్లీ ఎన్నికల షెడ్యూల్ విడుదల కానుంది. కేంద్ర ఎన్నికల సంఘం ఇవాళ మధ్యాహ్నం 12 గంటలకు ప్రెస్ మీట్ నిర్వహించనుంది.
తెలంగాణ, రాజస్థాన్, మధ్యప్రదేశ్, చత్తీస్గడ్, మిజోరాం రాష్ట్రాలకు సంబంధించి ఎన్నికల షెడ్యూల్ ఇవాళ విడుదల చేయనుంది. ఏ రాష్ట్రం ఎప్పుడు ఎన్నికలు ? నోటిఫికేషన్ ఎప్పుడు ? కౌంటింగ్ ఎప్పుడూ అనే వివరాలను ఈ సందర్భంగా కేంద్ర ఎన్నికల సంఘం అధికారులు ప్రకటించనున్నారు. ఇటీవల ఐదు రాష్ట్రాలలో పర్యటించిన కేంద్ర ఎన్నికల సంఘం… ఓటర్ల జాబితా భద్రత ఎన్నికల నిర్వహణ అంశాలపై ఆరా తీశారు. ఇక వీటిపై ఓ నిర్ణయానికి వచ్చిన కేంద్ర ఎన్నికల సంఘం… ఇవాళ ఐదు రాష్ట్రాల ఎన్నికల షెడ్యూల్ విడుదల చేసేందుకు సిద్ధమైంది.
