బాసర, నవంబర్ 28 (ఆంధ్రప్రభ) : మండల పరిధిలో గోదావరి రైల్వే బ్రిడ్జి సమీపంలోని చెట్టుకు ఉరేసుకొని గుర్తు తెలియని వృద్ధుడు శుక్రవారం ఆత్మహత్యకు పాల్పడ్డట్లు ఎస్సై గణేష్ తెలిపారు. ఎస్ఐ తెలిపిన వివరాల ప్రకారం… అటుగా వెళుతున్న పశువుల కాపర్లు ఇచ్చిన సమాచారం మేరకు ఘటన‌రా స్థలానికి వెళ్లిన ఎస్సై గణేష్, సిబ్బంది చెట్టుకు ఉరేసుకున్న వ్యక్తి వయస్సు 65 సంవత్సరాల వరకు ఉంటుందని తెలిపారు.
మృతుడు తెల్లని చొక్కా, తెల్లని ధోతి ధరించి ఉన్నట్లు, మరే ఇతర ఆధారాలు లభించలేదని పేర్కొన్నారు. మృతుడి వివరాలు తెలిసిన వారు బాసర ఎస్సై ని సంప్రదించాలని కోరారు. మృతదేహాన్ని బైంసా ఏరియా ఆసుపత్రికి తరలించినట్లు ఎస్ఐ తెలిపారు.