ఒక్కో కెమెరా వంద మంది పోలీసుల‌తో స‌మానం.. సీసీ కెమెరాలతో నేరాల అదుపు

సీసీ కెమెరాలతో నేరాల అదుపు సాధ్యమవుతుందని పెద్దపల్లి ప్రదీప్ కుమార్ పేర్కొన్నారు. మంగళవారం గోదావరి అర్బన్ బ్యాంక్ పిటిజెడ్ కెమెరాలను పోలీస్ శాఖ కు అందజేశారు. ఈ సందర్భంగా సీఐ మాట్లాడుతూ ఒక్కో సిసి కెమెరా వంద మంది పోలీసులతో సమానమని, నేర చేదనలో సీసీ కెమెరాలు ఉపయోగపడతాయన్నారు. స్వచ్ఛంద సంస్థలు వ్యాపారస్తులు పెద్ద ఎత్తున సీసీ కెమెరాలు ఏర్పాటు చేసుకోవాలని కోరారు. ఈ కార్యక్రమంలో ట్రాఫిక్ సీఐ అనిల్ కుమార్, పెద్దపల్లి ఎస్ఐ రాజేష్ తో పాటు గోదావరి అర్బన్ బ్యాంక్ అధికారులు పాల్గొన్నారు.