తెలంగాణ ఇంటర్మీడియట్‌ విద్యార్థులకు టీశాట్‌ ద్వారా తరగతుల నిర్వహణకు సంబంధించిన వారం రోజుల షెడ్యూల్‌ను ఇంటర్‌ బోర్డు విడుదల చేసింది. అర్థగంట చొప్పున సబ్జెక్టుల వారీగా పాఠాలు ప్రసారం కానున్నట్లు తెలిపింది. టాపిక్‌ల వారీగా ముఖ్యమైన ప్రశ్నలకు సంబంధించిన జవాబులను అందులో వివరించనున్నారు. ఫస్ట్‌ ఇయర్‌ విద్యార్థులకు సాయంత్రం 5 గంటల నుండి రాత్రి 8.30 గంటల వరకు, సెకండ్‌ ఇయర్‌ వాళ్లకు ఉదయం 7 గంటల నుంచి 9 గంటల వరకు ప్రసారం చేయనున్నారు.
వొకేషనల్‌ మొదటి ఏడాది విద్యార్థులకు ఉదయం 7 గంటల నుంచి 9 గంటల వరకు, ద్వితీయ సంవత్సరం విద్యార్థులకు రాత్రి 7 గంటల నుంచి 9 గంటల వరకు ప్రసారం కానున్నాయి. ఈ తరహా డిజిటల్‌పాఠాలు డిసెంబర్‌ నెల నుంచే జరుగుతున్న విషయం తెలిసిందే.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..