చేర్యాల (ప్రభ న్యూస్): చేర్యాల మండల వ్యాప్తంగా భారీ వర్షానికి 10 సెంటీమీటర్ల వర్షపాతం నమోదయింది. ఈ భారీ వర్షపాతం కారణంగా వీరన్నపేట స్టేజి వద్ద జాతీయ రహదారి 365 బి పై నిర్మాణంలో ఉన్న కల్వర్టు తెగిపోవడంతో జనగామ-సిద్దిపేట జిల్లాల మధ్య రాకపోకలు నిలిచిపోయాయి. అదేవిధంగా మండలంలోని కడవెరుగు- పోతిరెడ్డిపల్లి, ముత్యాల- మద్దూరు, చేర్యాల-తాడూరు క్రాస్ రోడ్ల మధ్య వాగులు ఉదృతంగా ప్రవహిస్తునడంతో పూర్తిగా రాకపోకలు నిలిచిపోయాయి.
ఆయా ప్రాంతాల వద్ద పోలీసులు బందోబస్తు ఏర్పాటు చేశారు. చేరిన పట్టణంలోని కొత్త బస్టాండ్ లోకి భారీగా వరదలు చేరడంతో ఆ నీరు బయటకు వెళ్లే కల్వర్టరు పూర్తిగా నిలిచిపోయింది, జాతీయ రహదారిపై నుండి వర్షపు నీరు ప్రవహిస్తుంది. ఇప్పటివరకు కూడా మున్సిపల్ అధికారులు ఇలాంటి చర్యలు చేపట్టకపోవడంతో మున్సిపల్ అధికారులు తీరుపై పట్టణ ప్రజలు అసహనం వ్యక్తం చేస్తున్నారు.
