హైదరాబాద్ – లోక్సభ ఎన్నికల్లో భువనగిరితో పాటు ఇతర స్థానాల్లో మద్దతు ఇవ్వాలని సీపీఎం నేత‌ల‌ను పీసీసీ చీఫ్, సీఎం రేవంత్ కోరారు. ముఖ్యమంత్రి నివాసంలో సీపీఎం రాష్ట్ర కార్యదర్శి తమ్మినేని వీరభద్రం, జూలకంటి రంగారెడ్డి, చెరుపల్లి సీతారాములు, వీరయ్య తదితరులు శనివారం భేటీ అయ్యారు. ఈ సమావేశం అనంతరం రేవంత్ మాట్లాడుతూ సీపీఎం నేతలతో తాజా రాజకీయ పరిణామాలపై చర్చించామన్నారు. ఈ సందర్భంగా సీపీఎం నేతలు తమ ఎదుట కొన్ని ప్రతిపాదనలు పెట్టారని వెల్లడించారు. బీజేపీని ఓడించేందుకు కాంగ్రెస్ పార్టీకి మద్దతు ఇస్తామన్నారు. దేశంలోనూ ఇండియా కూటమితో ఆ పార్టీ కలిసి పని చేయనుంద‌న్నారు.. తెలంగాణ‌లో మాత్రం ఒకట్రెండు విషయాల్లో సీపీఎంతో సందిగ్ధత ఉంద‌ని, దీన్ని త్వ‌ర‌లో ప‌రిష్క‌రించుకుంటామ‌ని చెప్పారు. సీపీఎం సహకారంతో భవిష్యత్లో ముందుకెళ్తాన్న సీఎం.. ఈ కలయిక కాంగ్రెస్ గెలుపునకు పని చేస్తుందని భావిస్తున్నట్లు చెప్పారు.
కాగా, సీపీఎం రాష్ట్ర కార్యదర్శి తమ్మినేని వీరభద్రం మాట్లాడుతూ.. లోక్సభ ఎన్నికల్లో తమ అభ్యర్థులను విరమించుకోవాలని సీఎం కోరినట్లు చెప్పారు. కాంగ్రెస్ పార్టీకి మద్దతు ఇచ్చేందుకు తాము సిద్ధంగా ఉన్నామని తెలిపారు. బీజేపీ శక్తులను అడ్డుకునేందుకు కాంగ్రెస్కు మద్దతు ఇవ్వాలని నిర్ణయించుకున్నట్లు చెప్పారు.