TS | పెద్దపల్లి జిల్లాకు సీఎం కేసీఆర్.. నవంబర్ 7న పెద్దపల్లి, మంథనిలో బహిరంగ సభలు

అసెంబ్లీ ఎన్నికల ప్రచారంలో భాగంగా తెలంగాణ ముఖ్యమంత్రి కల్వకుంట్ల చంద్రశేఖర రావు నవంబర్ 7వ తేదీన పెద్దపల్లి జిల్లాకు రానున్నారు. నవంబర్ 3న నోటిఫికేషన్ వెలవడుతుండగా ఏడవ తేదీన ముఖ్యమంత్రి పర్యటన ఖరారైంది. మధ్యాహ్నం రెండు గంటలకు మంథని, మూడు గంటలకు పెద్దపల్లి లో నిర్వహించే బహిరంగ సభలో పాల్గొని ప్రజలనుద్దేశించి ప్రసంగించనున్నారు. సీఎం కేసీఆర్ పర్యటనతో జిల్లాలో భారత రాష్ట్ర సమితి శ్రేణుల్లో జోష్ నింపనుంది. ఈ మేరకు మంగళవారం రాత్రి పెద్దపల్లి ఎమ్మెల్యే దాసరి మనోహర్ రెడ్డి తో సీఎం కేసీఆర్ ఫోన్లో మాట్లాడి పర్యటన వివరాలు వెల్లడించారు.