కొత్తగూడ, ప్రభ న్యూస్ : కొత్తగూడ మండల పొగుళ్లపల్లి గ్రామంలోని క్రిస్మస్ పండుగ పర్వదినం సందర్భంగా కర్మెల్ ప్రార్ధన ఆరాధన మందిరంలో ఆదాం బెన్ని ఆధ్వర్యంలో క్రిస్మస్ వేడుకలను ఘనంగా నిర్వహించారు. ఈ క్రిస్మస్ వేడుకలకు ముఖ్య అతిధిగా ఏఐసీసీ జాతీయ మహిళ ప్రధాన కార్యదర్శి, ములుగు నియోజకవర్గ ఎమ్మెల్యే దనసరి సీతక్క విచ్చేశారు. క్రైస్తవ సోదర, సోదరిమణులందరికి క్రిస్మస్ శుభాకాంక్షలు తెలియజేసి సన్మానించారు. ఈ సందర్భంగా సీతక్క మాట్లాడుతూ.. కరుణామయుడు ఏసు ప్రభువు, శాంతికి మరో పేరు క్రైస్తవ మతం అని, ప్రభు జననం త్యాగానికి ప్రతీకగా, ప్రభువు జీవితం స్వేచ్చ, సమనత్వంతో కూడిన పీడిత ప్రజలకు హక్కులు కల్పించడానికి కృషి చేశారని అన్నారు.
ఏసు ప్రభు ఆశీస్సులు మన అందరిపై ఉండాలని ఆకాంక్షించారు. క్రీస్తు బోధించిన దయ, కరుణ, ప్రేమ ప్రపంచ మానవాళికి మార్గదర్శకాలు అని చెప్పారు. అందరికి మంచి జరగాలని ప్రార్ధించారు. ఈ కార్యక్రమంలో జడ్పీటీసీ పులుసం పుష్పాలత శ్రీనివాస్, ఎంపీపీ బానోత్ విజయ రూప్ సింగ్, టీపీసీసీ కార్యదర్శి చల్లా నారాయణ రెడ్డి, వైస్ ఎంపీపీ సుంకరబోయిన మొగిలి, మండల అధ్యక్షులు వజ్జ సారయ్య, కిసాన్ సెల్ అధ్యక్షులు ఉల్లంగుల రమేష్, జినుకల శ్రీను, మాజీ సర్పంచ్ వజ్జ పుల్లయ్య, సహకార సంఘ సభ్యులు భువనగిరి యాకయ్య, మాల భద్రయ్య, మెరుగు ఐలయ్య, వీరన్న, యూత్ మండల కార్యదర్శి వజ్జ రాకేష్, యూత్ మండల ఉపాధ్యక్షులు తుర్స దామోదర్, జంపయ్య, యోబ్,ప్రసంగి,పీటర్,స్టీఫెన్,సందీప్ తదితరులు పాల్గొన్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..