వికారాబాద్ టౌన్, జులై 30 (ప్రభ న్యూస్) : వికారాబాద్ జిల్లా అనంతగిరి శ్రీ అనంత పద్మనాభ స్వామి వారిని ఈరోజు ఉదయం ప్రముఖ పురాణ ప్రవక్త బ్రహ్మశ్రీ చాగంటి కోటేశ్వరరావు కుటుంబ సమేతంగా దర్శించుకున్నారు. ఆలయ మర్యాదలతో చాగంటికి స్వాగతం పలికి స్వామి వారి దర్శనం కల్పించారు.
స్వామి స్థల పురాణం, ఆలయ విశిష్టత గురించి అర్చకులు వివరించారు. ఇంత మహత్యం గల ఆలయ దర్శన భాగ్యం కలగడం చాలా సంతోషంగా ఉందని చాగంటి పేర్కొన్నారు. ఇంతటి ఆలయ చరిత్ర గురించి తన పురాణ.. ప్రవచనాల ద్వారా అనంతగిరి ఆలయం గురించి భక్తులకు వివరిస్తానని చాగంటి తెలిపారు. ఆలయ వ్యవస్థాపక ధర్మకర్త ఎన్.పద్మనాభం చాగంటికి స్వామి వారి శేషవస్త్రం, స్వామి వారి చిత్రపటం ద్వారా సన్మానించారని ఆలయ ఈఓ టి.నరేందర్ తెలిపారు.
- Advertisement -