హైదరాబాద్-విజయవాడ జాతీయ రహదారిపై ఇవాళ కారు బీభత్సం సృష్టించింది. అదుపు త‌ప్పి ఆగి ఉన్న లారీని ఢీకొట్టింది. ఈ ప్రమాదంలో ఒకరు దుర్మరణం చెందగా, నలుగురికి తీవ్ర గాయాలయ్యాయి.
విజయవాడ నుంచి హైదరాబాద్‌కు ఐదుగురు కారులో బయలుదేరారు. ఈ క్రమంలో నల్లగొండ జిల్లా కట్టంగూరు మండలం ఎరసానిగూడ వద్ద కారు అదుపుతప్పి మొదట డివైడర్‌ను, అనంతరం ఆగి ఉన్న లారీని కూడా ఢీకొట్టింది. ఈ ప్రమాదంలో ఒకరు అక్కడికక్కడే మృతి చెందగా కారులో ఉన్న మరో నలుగురికి తీవ్ర గాయాలయ్యాయి. స్థానికులు సమాచారం మేరకు ఘటనా స్థలానికి చేరకున్న పోలీసులు ప్రమాదం జరిగిన స్థలాన్ని పరిశీలించారు. గాయపడిన వారిని చికిత్స నిమిత్తం సమీప ఆసుపత్రికి తరలించారు.