మద్యం మత్తులో ఓ కారు డ్రైవర్ బీభత్సం సృష్టించాడు. హైదరాబాద్ రాజేంద్రనగర్ లో ప్రేమావతినగర్‌ కాలనీలో ఓ బాలుడిపై కారు దూసుకెళ్లింది. ఇంటి ఎదుట నిలబడి ఉన్న బాలుడిపై నుంచి కారు వెళ్లింది. దీంతో బాలుడికి తీవ్ర గాయాలయ్యాయి. ఆసుపత్రికి తరలించి చికిత్స అందిస్తున్నారు.. ప్రస్తుతం బాలుడి పరిస్థితి విషమంగా ఉన్నది. అయితే మద్యం మత్తులో డ్రైవర్ కారు నడపడమే ప్రమాదానికి కారణమని స్థానికులు తెలిపారు. బాలుడికి తీవ్ర గాయాలు కావడంతో కోపోద్రిక్తులైన స్థానికులు మద్యం మత్తులో ఉన్న కారు డ్రైవర్‌ను చితకబాదారు. ఘటనకు సంబంధించిన దృశ్యాలు అక్కడ ఉన్న సీసీ కెమెరాల్లో రికార్డయ్యాయి. ఘటనపై పోలీసులు కేసు నమోదు చేసి దర్యాప్తు చేస్తున్నారు.
ఇది కూడా చదవండి: వాటర్ వార్.. ప్రధాని మోదీకి ఏపీ సీఎం లేఖ