ఆంధ్రప్రభ బ్యూరో, ఉమ్మడి ఆదిలాబాద్: బీజేపీ రాష్ట్ర అధ్యక్షుడు జి.కిషన్ రెడ్డిని ఢిల్లీలోని ఆయన నివాస గృహంలో పార్లమెంట్ సభ్యునిగా గెలిచిన గోడెం నగేష్ గురువారం మర్యాద పూర్వకంగా కలుసుకున్నారు. కిషన్ రెడ్డికి ఆదిలాబాద్ ఎమ్మెల్యే పాయల్ శంకర్, జి.నగేష్, బీజేపీ రాష్ట్ర కార్యవర్గ సభ్యుడు ముస్తాపూరే అశోక్ పుష్పగుచ్చం అందించి సికింద్రాబాద్ నియోజవర్గం నుండి మరోసారి గెలిచినందుకు అభినందనలు తెలిపారు.
ఆదిలాబాద్ పార్లమెంట్ స్థానం నుండి భారీ మెజారిటీ సాధించిన గోడెం నగేష్ ను కిషన్ రెడ్డి ప్రత్యేకంగా అభినందించగా, పార్టీ కార్యకర్తలు ప్రణాళికా బద్ధంగా అంకితభావంతో పనిచేసి మోడీ పథకాలను ప్రజల్లోకి తీసుకెళ్లడం వల్లే విజయం సాధ్యమైందని ఎమ్మెల్యే పాయల్ శంకర్ వివరించారు. కిషన్ రెడ్డి నివాస గృహంలో ఏర్పాటు చేసిన విందులో అదిలాబాద్ బీజేపీ జిల్లా నేతలు పాల్గొన్నారు.
- Advertisement -