బాసర ఆక్టోబర్ 27 (ఆంధ్ర ప్రభ) ప్రసిద్ధ పుణ్యక్షేత్రం చదువులమ్మ తల్లికి ఆదివారం శ్రీ వాగ్దేవి వాద్య సంగీత కళ నృత్య సంస్కృతి సంస్థ వారి కళాకారులు ప్రదర్శించిన నృత్య అర్చన భక్తులను విశేషంగా అలరించింది.
అమ్మవారి సన్నిధిలోని కోటి గాజుల మండపంలో నాగేందర్ యాదవ్ ఆధ్వర్యంలో శ్రీ జ్ఞాన సరస్వతి అమ్మవారి కి అర్చన పేరిట కళాకారులు ప్రదర్శించిన కూచిపూడి, భారత నాట్యన్నీ ప్రదర్శించారు.
ఈ సందర్భంగా నిర్వాహకులు నాగేందర్ యాదవ్ మాట్లాడుతూ మా సంస్థలో కూచిపూడి భారత నాట్యం ను నేర్చుకున్న విద్యార్థులు అమ్మవారికి తమ నాట్యాన్ని సమర్పించేందుకు శ్రీ జ్ఞాన సరస్వతి నృత్య అర్చన కు శ్రీకారం చుట్టినట్లు తెలిపారు.
నాట్యాన్ని ప్రదర్శించిన వారికి ఆలయం తరపున ఆలయ ఈవో విజయ రామారావు,ఏ ఈ ఓ సుదర్శన్ గౌడ్, శాలువాతో సత్కరించి మెమోంటో తో పాటు అమ్మవారి ప్రసాదాన్ని అందజేశారు.కార్యక్రమంలో వేద పబడితులు నవీన్ శర్మ ,నృత్య కళకారులు పాల్గొన్నారు
