లగచర్ల రైతులకు సంఘీభావం
న‌ల్ల‌టి డ్ర‌స్ ల‌లో ఎమ్మెల్యే, ఎమ్మెల్సీలు హాజ‌రు
శాస‌న మండ‌లి, స‌భ‌లోనూ నినాదాలు
రైతుల అరెస్ట్ ల‌పై వాయిదా తీర్మానం ఇచ్చిన కెటిఆర్
హైదరాబాద్‌: లగచర్ల రైతులకు సంఘీభావంగా బీఆర్ఎస్ ఎమ్మెల్యే వినూత్న పద్ధతిలో నిరసన తెలిపారు. నల్ల రంగు అంగీలు, చేతులకు బేడీలు వేసుకుని నేడు ఎమ్మెల్యేలు అసెంబ్లీకి హాజరయ్యారు. ఇదేమి రాజ్యం.. ఖాకీ రాజ్యం.. దోపిడి రాజ్యం, లాఠీ రాజ్యం.. లూఠీ రాజ్యం, రైతులకు సంకెళ్లా సిగ్గు సిగ్గు అంటూ అసెంబ్లీ లాబీల్లో నినాదాలు చేశారు. లగచర్ల రైతులకు రాష్ట్ర ప్రభుత్వం క్షమాపణ చెప్పాలని డిమాండ్‌ చేశారు. అంతకుముందు పరిశ్రమల పేరుతో బలవంతపు భూసేకరణ, రైతుల అరెస్టుపై బీఆర్ఎస్ వాయిదా తీర్మానం ఇచ్చింది. ఈ అంశాలపై సభలో చర్చించడానికి అనుమతించాలంటూ స్పీకర్‌కు బీఆర్ఎస్ వర్కింగ్ ప్రెసిడెంట్‌, సిరిసిల్ల ఎమ్మెల్యే కేటీఆర్‌ వాయిదా తీర్మానం అందజేశారు.
ఎమ్మెల్సీలు సైతం
శాసనమండలి సభ్యులు కూడా మండలిలో నల్లరంగు దుస్తులు ధరించి నిరసన తెలిపారు. బిఆర్ఎస్ ఎమ్మెల్సీలు క‌విత, స‌త్య‌వ‌తి రాథోడ్ లో నల్ల చీర ధరించి స‌మావేశాల‌లో పాల్గొన్నారు..